Lautaro bën dopietë dhe i jep 3 pikët Interit. Zikaltrit rikthehen te fitorja dhe e bëjnë këtë në derbin lombard përballë Cremoneses në transfertë. Një dygolësh i Lautaro Martinez, që këtë herë luante me shiritin e kapitenit, vendosi fatin e sfidës, me zikaltrit që morën 3 pikët në prag të një jave mjaft impenjative.
Ndeshja nisi malore për të besuarit e Inzaghit, pasi në minutën e 11’ Okereke lëshoi një goditje perfekte nga jashtë zonës, duke gjetur trekëndëshin e portës së Onanës dhe duke u dhënë avantazhin vendasve.
Megjithatë ky gol zgjoi zikaltrit, që zhvendosën lojën në gjysmëfushën e vendasve dhe gjetën golin e barazimit në të 21-tën me anë të Lautaros, që u gjend në vendin e duhur për të shtyrë në rrjetë një top të grushtuar nga portieri i Cremoneses.
Edhe goli i dytë u shënua nga argjentinasi, që ishte më i frymëzuar me shiritin në krah dhe në të 65-n mori një pasim të bukur në zonë, për të dërguar topin në rrjetë.
Deri në fund rezultati mbeti i pandryshuar, me Interin që merr tre pikët dhe ngjitet përkohësisht në vendin e dytë me 40 pikë, gjithsesi shumë larg Napolit që kryeson renditjen.
