Robwrt Lewandowski i jep fitoren “in extremis” Barcelonës në fushën e Valencias në një sfidë mjaft të luftuar ku pati gola të anuluar, nga një për secilën skuadër, por edhe tension, ku çuditërisht u përfshi pikërisht autori i golit. Valencia, duhet pranuar, dha gjithçka në këtë ndeshje, iu afrua disa herë golit, por diferencën në fund e bëri cilësia e polakut, që devijoi drejt rrjetës së top që fillimisht u duk i paarritshëm për të.
Ansu Fati shpërdori disa mundësi të mira gjatë fraksionit të parë, madje e shënoi një gol, por festën ia prishi sistemi VAR, pasi ishte në pozicion jashtë loje, madje u dalluar qartë edhe një prekje me dorë e Lewandowskit.
Në pjesën e dytë rrjetën e tundi edhe Valencia, por ndërhyrja e VAR-it (prekje e lehtë me dorë) këtë herë ua prishi festën vendësve.
Atëherë kur po luheshin minutat shtesë dhe të gjithë mendonin se ndeshja do të përfundonte pa fitues, Lewandowski bën një mrekulli duke u shtrirë në maksimum për të shtyrë drejt rrjetës një top të krosuar nga Raphina.
Pak çaste më vonë, francezin Foulquier nuk e mbajnë nervat dhe shtyn Lewandowskin duke e plasur në tokë. Pasi qetësohet situata, luhen edhe pak minuta, por asgjë nuk ndryshoi, me Barcelonën që merr një fitore shumë të rëndësishme, duke mos iu ndarë Realit në krye të renditjes.
