Liverpool ka fituar me rezultatin 0-1 në transfertë ndeshjen e raundit të 25-të të Premier League ndaj Burnley-t të vendit të fundit në renditje.
Ekipi i Klopp e ka mbyllur me avantazhin minimal pjesën e parë të takimit ndaj Burnley. Deri në minutën e 40’ ky takim vijoi me barazimin pa gola 0-0. Ndërsa në minutë ne 40’, Fabinho realizoi për “The Reds”, duke i dhënë skuadrës së tij avantazhin e kësaj pjese.
Ndërsa në pjesën e dytë të kësaj sfide “The Reds” do të vuanin mungesën e golit edhe pse rastet ishin të shumta.
Takimi është dominuar në pjesën më të madhe të tij nga skuadra e trajnerit Klopp, por ka në këtë sfidë djemtë e Liverpool kanë pasur një mungesë të theksuar të efektivitetit para portës.
Pas javës së 25 Liverpool kalon në kuotën e 54 pikëve dhe renditet në vend të dytë pas Manchester City-t menjë diferencë prej 9 pikësh, teksa Burnley vuan në vend të fundit të renditjes së Premier League me 14 pikë.
