Connect with us

Hi, what are you looking for?

Angli

VIDEO/ Liverpooli përmbys Southamptonin, titullin mund t’ia japë ish-i legjendar

Liverpooli fitoi me përmbysje ndaj Southamptonit në “St. Mary’s Stadium” në javën e parafundit të Premier League-s e tashmë kërkon ndihmën e Steven Gerrardit, ish-it legjendar të “The Reds”, për t’ia rrëmbyer titullin Manchestër City-t me “fotofinish”. Atë që Gerrard nuk e bëri si futbollist, mund ta arrijë si trajner i Aston Villas, nëse nuk mposhtet në sfidën e fundit ndaj ekipit të Guardiolës. Tifozët e Liverpoolit pa dyshim do ta vlerësonin sikur të kishte luajtur në 11-shen e Kloppit në këtë sezon.

Sauthamptoni e shtangu fillimisht  Liverpoolin në sfidën që u zhvillua në “St. Mary’s Stadium”. Në minutën e 13-të të takimit, Nathan Redmond realizoi një gol të mrekullueshëm me një goditje të kalibruar nga jashtë zonës, duke u dhënë epërsinë vendasve, që duhet pranuar e nisën me ritëm më të lartë lojën.

Pak më herët, iu afrua golit edhe Armando Broja me një nga shpërthimet e tij karakteristike. Sulmuesi kuqezi, pasi mori një top në mesfushë, avancoi me hapin e tij galopant drejt zonës, la pas sikur të ishte një birilë, por dalja e Alissonit dhe ndërhyrja e tij me këmbë largoi rrezikun.

Epërsia e Southamptonit nuk zgjati shumë, pasi Liverpooli barazoi rezultatin në minutën e 27-të me Minaminon, që nuk i dha asnjë mundësi reagimi portierit vendës në një distancë të afërt, prirët me portën.

Liverpooli, pasi e dominoi ndeshjen për minuta të tëra, ia doli të shënonte golin e dytë me Matip në minutën e 67-të. Një gol i merituar për të “The Reds”, që ishin të pafat në disa momente në portën e Southamptonit.

Në minutën e 82-të trajneri i Hasenhuttl vendosi të zëvendësonte Brojën me Adams. Asgjë nuk ndryshoi në minutat e mbetura, Liverpooli mori tri pikët e radhës dhe e mban të hapur çështjen e titullit në javën e fundit. Manchester City do të jetë i detyruar të fitojë ndaj Aston Villas për të ngritur lart trofenë, pasi në të kundërt, me fitoren e mundshme të skuadrës së Kloppit ndaj Wolves, titulli do të shkonte në “Anfield”

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...