Roma siguroi mbrëmjen e djeshme trofeun e parë europian pas vitit 1961 (Kupa e Panaireve), teksa në stadiumin Air Albania siguroi triumfin në edicionin e parë të UEFA Conference League. Verdhekuqtë mposhtën me rezultatin 1-0 Feyenoord falë golit të Nicolo Zaniolos në minutën e 32-të.
Sakaq, festa e italianëve në Tiranë ishte legjitime, ndërsa nuk mungoi edhe spektakli i lojtarëve në konferencë për shtyp të trajnerit Jose Mourinho. Portugezi nuk i shpëtoi ujit në sallën e konferencës ndërsa nuk ngurroi t’i bashkohej lojtarëve në festë.
Triumfi në Conference League ishte i veçantë për Mourinhon që u shndërrua në të parin trajnerin që fiton tre kompeticione të UEFA-s, Champions League, Europa League dhe Conference League.