Pas shtatë vitesh pjesë e Sampdorias, për Fabio Quagliarellan dhe për dorianët erdhi momenti i dhimbshëm i ndarjes. Ndoshta nuk erdhi në momentin më të mirë për skuadrën e cila këtë sezon nuk ia doli të mbijetonte në elitë, por sërish tifozeria nuk e la në baltë sulmuesin veteran.
Ishte minuta e 86-të e sfidës me Sassuolon në Stadio Luigi Ferrara kur trajneri Dejan Stankovic vendosi ta zëvendësonte 40-vjeçarin si një formë për të shijuar të gjithë dashurinë e publikut. Stadiumi në këmbë, shokët e skuadrës që e përqafonin dhe Quagliarella që nuk mundi t’i mbante lotët.
Mbyllet kështu eksperienca e sulmuesit me Sampdorian, skuadër me të cilën u aktivizua për më shumë se 291 ndeshje duke realizuar 106 gola. Tashmë, mbetet për t’u parë se ku do të vijojë karriera e 40-vjeçarit që kërkon të mbetet pjesë aktive e botës së futbollit, edhe pse në rast se asnjë ofertë nuk e bind (kryesisht nga ligat inferiore në Itali) mund të tërhiqet përfundimisht.
Lexo edhe:
- “Old Trafford” një fortesë, vetëm skuadra e Ferguson më mirë se ajo e Ten Hag
- Reagon Tirana: U thyen shumë zemra, u vodh shpirti i tifozëve!
- Sulmuesi i pezulluar prej basteve, trajneri: Edhe në burg lejohen kontaktet me jashtë!
- “E vështirë ta lexosh Guardiolën”, mesfushori: Çfarë m’u desh që kalova te City
