Interi siguron kualifikimin në fazën e 1/8-ave të Champions Leagues një javë para përfundimit të ndeshjeve në grupe, duke thyer të gjitha parashikimet dhe duke dërguar zyrtarisht Barcelonën në Europa League.
Zikaltrit ia dolën të triumfojnë me rezultatin e thellë 4-0 në “Match point”-in ndaj Victoria Plzen dhe të avancojnë më tej, në një ndeshje të dominuar totalisht nga fillimi në fund.
Heinrikh Mkhitaryan zhbllokoi sfidën në minutën e 35-të me një goditje me kokë, ndërsa më pas ishte Edin Dzeko që shënoi dy herë në të 42-ën dhe 66-ën. Për të vulosur suksesin mendoi Romelu Lukaku, që u rikthye pas thuajse 2 muajsh në fushë dhe arriti të dërgojë topin në rrjetë.
Inter – Victoria Plzen 4-0 (Mkhitaryan 35′, Dzeko 42′, 66′, Lukaku 87′)
Rikthehet me gol edhe Romelu Lukaku, që pas më shumë se një muaji larg fushave, u aktivizua në pjesën e dytë dhe gjeti menjëherë rrugën e rrjetës, duke çuar shifrat në 4-0.
66′ – Gooool. Sërish edin Dzeko, kompleton dopietën personale dhe vulos kualifikimin e Interit në fazën tjetër…
42’ – Goooool. Edin Dzeko dërgon topin në rrjetë dhe qetëson gjithë ambientin në “San Siro”. Tjetër aksion nga e majta, me Dimarcon që shërben mirë për Dzekon dhe boshnjaku e ka të lehtë të shtyjë topin në rrjetë…
35’ – Goooool. Zhbllokohet sfida në “San Siro” dhe është armeni Heinrikh Mkhitaryan që dërgon topin në rrjetë. Pas disa rastesh të humbura nga Mkhitaryan dhe Dimarco, ishte pikërisht armeni që i ndodhur në shtyllën e dytë, shtyu topin në rrjetë pas një krosimi perfekt të Bastonit.
