Barazim pa gola në La Liga mes Mallorcas dhe Osasunës, ndërkohë që pa fitues u mbyll edhe ndeshja Marseille-Montpellier në Ligue 1. Pak raste u regjistruan në takimin e luajtur në “Visit Mallorca Estadi”.
Mallorca mbeti me dhjetë lojtarë pas daljes me të kuq të Jose Copete (69’). Shtatë minuta më vonë, trajneri Aguirre urdhëroi ndërrimin e Vedat Muriqit, i cili e priti shumë keq.
Sulmuesi nga Prizreni, i cili po vuante për të lënë shenjën e tij në këtë përballje, shfry dufin duke goditje pankinën në momentit që u detyrua të dilte nga loja.
Lexo edhe:
- Napoli tronditet para Milanit, dëmtohet sulmuesi titullar
- Dortmundi rikuperon 6 lojtarë para Bayernit, gati t’i prishë debutimin Tuchelit
- Një belg për stolin e Tottenhamit, Levy gati të “imitojë” Arsenalin
- Minifutboll/ Shqipëria, një hap larg historisë! Ndaj Spanjës luhet për kualifikimin
Pavarësisht inferioritetit numerik, Mallorca ia doli të ruante portën e paprekur dhe të merrte një pikë. Nga një pikë ndanë edhe Marseille dhe Montpellier në Francë, takimi tjetër që u transmetua në SuperSport.
Të dy golat u realizuan në pjesën e parë. Arnaud Nordin kaloi në avantazh skuadrën udhëtuese, por Marseille evitoi humbjen falë një penalltie të saktë të Matteo Guendouzi një minutë përpara fundit të fraksionit të parë.