Fiorentina rikthehet te fitorja në Serie A. Skuadra e Italianos, mposhti 3-2 Atalantën në Firence, duke parakaluar në renditje zikaltrit nga Bergamo.
Takimi që u transmetua në SuperSport 3, ishte shumë i bukur. Teun Koopmeiners zhbllokoi ndeshjen në minutën e 20’ nëpërmjet një goditjeje të fortë.
Gjithsesi, avantazhi i Atalantës zgjati vetëm çerek ore, pasi Jack Bonaventura barazoi shifrat me një gjuajtje të zgjuar. Goli i dha zemër Fiorentinës, që festoi sërish në shtesat e fraksionit të parë.
Qendërmbrojtësi argjentinas, Lucas Martinez Quarta realizoi një gol shumë të bukur me kokë pas krosimit të Duncan.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Miqtë e nisën mirë pjesën e dytë, duke barazuar në minutën e 53’ me Ademola Lookman. Nigeriani mori një top nga holandezi De Roon (asisti i dytë për të) dhe mposhti portierin Terracciano.
Aktivizimi i dyshes Beltran-Biraghi ndikoi që Fiorentina të niste sulmet për golin e fitores. Dhe e gjeti atë 14 minuta përpara fundit nëpërmjet Christian Kouame.
Sulmuesi nga Bregu i Fildishtë shfrytëzoi pasigurinë e mbrojtjes mike. Dhe dërgoi topin në rrjetë, dhe tifozët e pranishëm në “Artemio Franchi” në festë.
Përfundimisht 3-2 për vendasit, që i gëzohen një suksesi me vlera. Berat Gjimshiti e ndoqi gjithë sfidën nga stoli, duke mos u preferuar për këtë ndeshje nga trajneri Gasperini.
