Blerim Xhemajli do i japë fund karrierës së tij si futbollist në fundin e këtij edicioni futbollistik. Lojtari me origjinë shqiptare, i cili ka luajtur me përfaqësuesen e Zvicrës ka njoftuar se pas dy ndeshjeve të fundit të kampionatit do të “varë këpucët në gozhdë”.
Xhemajli e mbylli në mënyrën më të bukur derbin e fundit të sezonit teksa gjeti rrugën e rrjetës në përballjen me Grasshopper. 37-vjeçari i lindur në Tetovë u përshëndet në mënyrën më të mirë të mundshme me tifozët, ndërkohë që dhe klubi i Zurich i dedikoi një video përshëndetëse mesfushorit, ku e falënderon për kontributin e tij.
Lexo edhe:
- “Do i jap para nga rroga ime”, Martinez: Messi le të vijë tek Aston Villa!
- DigitAlb – Zgjedhja e vetme për Shqiptarët dhe Diasporën
- Titulli rikthehet pas nëntë vitesh, mesfushori i kombëtares shpallet kampion në Çeki
- Tjetër “arratisje”, 20-vjeçari i Olympiacos gati për t’u bashkuar me përfaqësuesen e Greqisë
Xhemajli ka luajtur mbi 500 ndeshje në të gjitha nivelet profesioniste, mes klubeve dhe përfaqësueses së Zvicrës, duke shënuar dhe 68 gola. Në karrierën e tij, mesfushori ka luajtur me Bolton në Angli, me Parmën, Napolin, Torinon, Genoan, Bolognan në Itali, me Galatasarayn në Turqi dhe Shenzhen në Kinë, ndërkohë që u rikthye tek Zurich aty ku u formua si futbollist.
