Connect with us

Hi, what are you looking for?

Featured

VIDEO/ Me një lojtar më pak, Partizani shkatërron Dinamon dhe i merr Kukësit vendin e tretë

Fitorja ndaj Dinamos i ka siguruar Partizanit vendin e tretë në renditjen e Abissnet Superiore, ndërsa “blutë” vijojnë të vuajnë dhe t’i afrohen Kategorisë së Parë gjithmonë e më shumë. Derbi i kryeqytetit, i vlefshëm për raundin e 31-të të kampionatit, u mbyll me rezultatin 3-1, me tre gola që u realizuan në pjesën e parë.

Fraksioni i parë u dominua nga “të kuqtë”, të cilët do të zhbllokonin takimin në minutën e 26’, me Stenio Junior që shënoi për Partizanin, ndërsa vetëm tre minuta më pas Tedi Cara do t’i dhuronte golin e dytë ekipit të tij.

Më pas një prekje e topit me dorë nga Massanga Matondo, lojtari i Partizanit mori kartonin e dytë të verdhë, duke dalë nga fusha e lojës dhe duke e lënë ekipin e tij me 10 lojtarë në fushën e lojës. Për këtë episod Dinamo fitoi një penallti, e cila u ekzekutua nga kapiteni i “bluve” në minutën e 38’.

Teksa në pjesën e dytë Dinamo do të ishte më kërkues dhe do të vendoste në disa raste në vështirësi “të kuqtë”, megjithatë Partizani ia doli që të godiste sërish portën e Simonit. Në minutën e 90+1 Tedi Cara u nis në kundërsulm dhe shënoi një super gol, me topin që e goditi nga distanca.

Pas këtij takimi Partizani kalon në vend të tretë me 46 pikë, po aq sa Kukësi, por me “verilindorët” që kanë një ndeshje më pak, e cila do të luhet sonte në orën 19:45, ku përballë do të kenë Teutën. Teksa Dinamo vijon të vuajë, duke qëndruar në vend të nëntë me 23 pikë dhe njëkohësisht çdo javë e më shumë afrohet me rrëzimin nga elita e futbollit shqiptar.

Derbi Partizani-Dinamo (3-1)

Abissnet Superiore java e 31-të

90+1’-Gooool! Tedi Cara niset në kundërsulm dhe në momentin që gjendej vetëm për vetëm me Simon Simoni e gjuan topin nga distanca dhe realizon një super gol.

90’-Stenio Junior shpërdoron një mundësi të artë, duke mos e dërguar topin në portë, por shumë lart saj.

85’-Simoni rrezikon portën e e tij, portieri del për të ndalur goditjen e lojtarëve të Partizanin, por topi i shpëton nga duart dhe duhet ndërhyrja e “bluve” të tjerë, të cilët ndalën golin e tretë për “të kuqtë”.

81’-Partizani, shumë pranë golit të tretë. Tedi Cara gjuan topin nga shumë afër portës, por ndalet nga Simoni.

76’-Pas një asisti nga Ibraimi, Patrik Bardhi kërkon të gjejë rrugën drejt rrjetës nga distanca, por ndalet nga Hoxha.

70’-Ibraimi kroson topin drejt zonës, Sidibe kërkon të gjejë rrjetën me një goditje me kokë, por e dërgon topin mbi portë.

64’-Malikji afron topin në zonë, me Rimal Haxhiun që ishte shumë pranë portës së Partizanit, por nuk mundi të shënonte pasi Alban Hoxha reagoi mjaft mirë.

57’-Zëvendësime te Partizani del nga fusha e lojës Skuka dhe i lë vendin Herald Markut, po ashtu largohet Kallaku dhe vendin e tij e merr Sota.

54’-Ibraimi i afrohet portës së Alban Hoxhës duke e dërguar topin te Rimal Haxhiu, më pas ky i fundit shërben kapitenin e Dinamos, i cili kishte një mundësi të artë për të barazuar, por goditja e tij u devijua nga Belica.

51’-Reginaldo humbet super mundësi për të shënuar, pas një shërbimi nga Imami, sulmuesi godet topin me kokë, po nuk e dërgon dot në portë.

46’-Cara afrohet te porta e Simonit dhe i shërben Skukës, me këtë të fundit që ndalet nga portieri i Dinamos.

 

Nis pjesa e dytë e derbit Partizani-Dinamo në “Selman Stërmasi”

Mbyllet me rezultatin 2-1 Partizani-Dinamo, por “të kuqtë” tashmë janë me një lojtar më pak.

45’-Rimal Haxhiu niset në kundërsulm dhe kërcënon seriozisht portën e Alban Hoxhës, por gabon në momentin e fundit dhe nuk shënon dot.

44’-Agim Ibraimi realizon goditjen e dënimit për Dinamon dhe është shumë pranë golit të dytë.

40’-Ndërhyrje e gabuar ndaj Skukës, lojtari i Partizanit mbetet për disa momente i shtrirë, ndalet loja derisa lojtari ngrihet në këmbë.

38’ – Kapiteni i Dinamos, Agim Ibraimi shkon te pika e bardhë dhe ekzekuton saktë, duke mposhtur Alban Hoxhën dhe rihapur takimin. 2-1 për Partizanin dhe Dinamo me një lojtar më shumë.

34’-Dyshohet për prekje të topit me dorë nga Matondo, pas verifikimit në VAR arbitri jep penallti dhe karton të verdhë për lojtarin e Partizanit, i cili plotëson numrin e kartonëve dhe lë fushën e lojës.

30’-Gool! Tedi Cara dyfishon rezultatin për Partizanin, duke kaluar fare lehtë Simonin.

28’-Skuka kalon mbrojtjen e Dinamos dhe kërcënon portën e Simonit.

26’-Goool! Pas një rrëmuje në zonë, Stenio Junior ia del ta dërgojë topin në rrjetë, me Simonin që e kishte të vështirë të reagojë.

17’-Kallaku kërcënon nga distanca portën e Dinamos, por Simoni e ndal sërish.

16’-Tedi Cara tenton të gjejë golin, por ndalet nga portieri Simon Simoni.

12’-Fejzulla realizon goditjen e dënimit dhe e dërgon topin drejt portës së Alban Hoxhës, por ndalet nga portieri i Partizanit.

11’-Pas një asisti nga Junior, Rrapaj ndodhet shumë afër portës se Simonit, po nuk ia del të shënojë.

Nis ndeshja e javës së 31-të midis Partizanit dhe Dinamos.

Formacionet zyrtare:

Partizani:Hoxha, Belica, Bitri, Marku, Hadroj, Massanga, Rrapaj, Kallaku, Cara, Stenio Junior, Skuka
Trajner: Dritan Mehmeti

Dinamo: Simoni, Imami, Sidibe, Malikji, Siljanovski, Demiri, Samake, Fejzulla, Haxhiu, Ibraimi, Reginaldo
Trajner: Rodolfo Vanoli

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...