“Air Albania”, një mrekulli arkitekturore që mahniti edhe futbollistët e Romës. Skuadra verdhekuqe, në fakt, nuk e kishte në program stërvitjen në impiantin modern të Tiranës, por gjithsesi lojtarët verdhekuq i vizituan ambientet e stadiumit të finales, për t’u familjarizuar disi edhe me terrenin e lojës.
Nga pamjet e siguruara nga SuperSport, dallohet lehtësisht kurioziteti i lojtarëve për “Arenën Kombëtare”, ndoshta të befasuar edhe nga kulla që “gërvisht” qiellin në anën veriperëndimore të stadiumit. Sigurisht që Marash Kumbulla ka për çfarë të krenohet për vendin e tij.