Dueli mes Tyson Fury-t dhe Dillian Wyhte, i zhvilluar në Wembley para 94 mijë të pranishmëve zgjati vetëm 6 raunde. Në sekondat e fundit të raundit të gjashtë, “The Gipsy King” e rrëzoi në tapet bashkëkombësin e tij me një të djathtë të befasishme në mjekër, që ishte aq e fortë sa 34-vjeçari i lindur në Xhamajkë, e pati të pamundur të mbante ekuilibrin kur iu kërkua nga gjyqtari të hidhte disa hapa drejt.
Një triumf madhështor i britanikut, që ruan gjerdanin e artë në ËBC, por në fund të duelit 33-vjeçari tha se do të mbante premtimin që i kishte dhënë bashkëshortes së tij, Paris, për t’u tërhequr nga boksi.
