Monza fitoi 2-1 finalen e parë ndaj Pisës dhe është afër rikthimit në Serie A. Skuadra e Giovanni Stroppa shënoi nga një gol për pjesë.
Dany Mota kaloi skuadrën e tij në avantazh në minutën e nëntë. Ndërkohë, goli i dytë erdhi nga danezi Christian Gytkjaer çerek ore nga fundi.
Gjithsesi, Pisa reagoi dhe realizoi një gol shumë të rëndësishëm në minutën e tretë shtesë me anë të Filippo Berras.
Sfida e kthimit do të luhet në Pisa më 29 maj, teksa klubi në pronësi te Silvio Berlusconit është afër ngjitjes në Serie A, aty ku nuk ka luajtur kurrë më parë.
