Kryeministri Edi Rama çeli siparin e Podcasteve me sportistët elitarë të cilët kanë marrë gradën kolonel. Të ftuarit e parë të kreut të qeverisë, në episodin “Krenari”, ishin sportistët Luiza Gega, Erkand Qerimaj, Alban Beqiri, Briken Calja. Por edhe xhudistet nga Kosova Nora Gjakova, Majlinda Kelmendi e Distria Krasniqi.
Rama e konsideroi lehtësim vendimin e qeverisë për t’u dhënë sportistëve elitarë mundësinë për të marrë grada honorifike nga kolonel, nënkolonel e deri tek major.
“Ka qenë një nga barrat shumë të rënda të problemeve dhe sëkëlldive të harruara kjo e kampionëve që shkëlqejnë dhe më pas i përpin harresa. Dhe pasi lënë aktivitetin kthehen në njerëz të zakonshëm, e pasi zbresin nga maja e olimpit bien edhe në situata të papranueshme varfërie.
Lexo edhe:
- Vlerësimi për lojtarin e Kombëtares, shpallet më i miri i muajit
- VIDEO/ Gol, kualifikim dhe lojtari i ndeshjes: Krasniqi shkëlqen në Rumani
- Dominimi shqiptar në Maqedoninë e Veriut, Struga për të shkruar historinë
- “Mbappe na lodhi! Njeri pa klas, kujton se është bosi i PSG-së”
Pensionin si kolonelë, nënkolonelë apo majorë në pension, për mua është lehtësim i madh pavarësisht se nuk kam qenë i niveleve që mund të krahasohem me ju”, u shpreh kryeministri shqiptar.
Sportistët rrëfyen prapaskenat dhe sfidat e rrugëtimit të tyre drejt suksesit teksa nuk munguan edhe batuat me kreun e qeverisë.
Rama: Kë ke në mend që të nxit t’i biesh më fort?
Alban Beqiri: Nuk fokusohemi te dikush, mundohemi të jemi sa më të qetë. Nuk bëjmë neglizhime, mund të jesh shumë i mirë dhe kundërshtari më i dobët të gjen pikën. Duhet të jesh shumë vigjilent.
Rama: Mund të thoshe edhe që të kam mend ty. Rama ik, Rama ik?
Erkand Qerimaj: Ju falënderoj për këtë podcast, ishte shumë interesant.
Rama: Kolonel mos u bëj servil tani, hajde.
Sportistët elitarë u bënë thirrje të rinjve të mos largohen nga Shqipëria, por të qëndrojnë për të ndërtuar një vend më të mirë.