Florent Muslija u transferua në merkaton e janarit nga Hannover te Paderborn. Mesfushori ofensiv është përshtatur mirë tek ekipi i ri, teksa sot realizoi një nga golat e suksesit 3-0 ndaj Hannover.
Ishte minuta e 17-të kur 23-vjeçari, autor i 9 ndeshjeve me Kosovën, ndëshkoi ish-ekipin e tij me një gol shumë të bukur, duke u ngjitur në kuotën e gjashtë golave në Bundesliga 2.
“Sigurisht që jam shumë i gëzuar për golin dhe fitoren. Ishim përgatitur mirë për këtë ndeshje, ua kishim borxh tifozëve fitoren në stadiumin tonë”, deklaroi Muslija pas ndeshjes.
Paderborn, që renditet në vend të shtatë, nuk fitonte një ndeshje kampionati në shtëpi prej 6 nëntorit të vitit të kaluar, kur triumfonin 2-1 ndaj Ingolstad.