Connect with us

Hi, what are you looking for?

Featured

VIDEO/ Portugalia mposht Ganën në duelin më të bukur të Botërorit, CR7 vendos rekordin unik

Spektakël, gola dhe emocione mes Portugalisë dhe Ganës, përballje që u fitua 3-2 nga kombëtarja europiane. Dueli i dytë i grupit G në Botërorin e Katarit, ishte një nga ndeshjet më të bukura deri tani, sidomos pjesa e dytë.

Fraksioni i parë i takimit nuk dhuroi emocione, përveç një goli që iu anulua Cristiano Ronaldos, me arbitrin amerikan që vërshëlleu përpara se pesë herë fituesi i Topit të Artë të dërgonte topin në rrjetë.

45 minutat e dyta ishin të çmendura! Pesë gola u realizuan brenda 24 minutave, duke nisur prej minutës së 65’. Cristiano Ronaldo ktheu në gol një penallti të fituar nga ai vetë pas një kontakti të lehtë dhe u kthye në lojtarin e vetëm që shënon në pesë Kupa Bote!

“Yjet e Zinj” barazuan takimin tetë minuta më vonë me anë të Andre Ayew. Portugalia reagoi dhe shënoi dy herë brenda dy minutave me anë të Joao Felix dhe Rafael Leaos, falë dy asisteve të Bruno Fernandes. Gana gjeti golin e dytë një minutë përpara fundit. Osman Bukari tundi rrjetën dhe futi në panik luzitanët, por Portugalia ia doli të festonte në fund.

Kupa e Botës
Katar 2022
Grupi H

PORTUGALI-GANË 3-2 (Ronaldo (pen) 65′, Joao Felix 78′, Leao 80′ / Ayew 73′, Bukari 89′)

Kronika e ndeshjes:

 90+9′ Gana pranë barazimit, portieri i Portugalisë, Diogo Costa, gabon rëndë, por nuk përfiton sulmuesi afrikan.

 

 89′ Rihapet ndeshja. Gana shënon golin e dytë me anë të Osman Bukari, i cili erdhi nga pankina. 

 

 80′ Goli i tretë i Portugalisë. Rafael Leao tund rrjetën tri minuta pasi zbriti në fushë. Asisti i dytë radhazi për Bruno Fernandes.

 

 78′ Portugalia rikthehet në avantazh. Joao Felix shfrytëzon një gafë të mbrojtjes afrikane dhe dërgon topin në rrjetë pas asistit të Bruno Fernandes. 

 

 73′ Barazon Gana. Andre Ayew merr një asist nga Mohammed Kudus dhe dërgon në ekstazë tifozët ganezë.

 

 65′ Portugalia në avantazh. Cristiano Ronaldo gjuan saktë dhe nis festën me shokët e ekipit.

 

 62′ Penallti për Portugalinë pas rrëzimit të Cristiano Ronaldos në zonë. Arbitri amerikan e cilëson faull shtyrjen e Mohammed Salisu.

 

 55′ Cristiano Ronaldo nuk shfrytëzon një mundësi të mirë, Gana niset në kundërsulm. Inkursion fantastik i Mohammed Kudus, gjuajtja e 22-vjeçarit të Ajaxit përfundon ngjitur me shtyllën.

 

 36′ Otavio gjuan, por nuk ka forcë dhe është qendrore. Ati-Zigi pret pa probleme goditjen e lojtarit të Portos.

 

 31′ Cristiano Ronaldo shënon, por arbitri kishte vërshëllyer më parë për një faull ndaj mbrojtësit Alexander Djiku. Nuk vlejnë protestat e lojtarëve portugezë.

 

 10′ Portugalia rikuperon një top në mesfushë, Fernandes nis bukur Ronaldon, i cili nuk e merr siç duhet topin dhe bllokohet nga dalja e portierit Lawrence Ati-Zigi.

 

Uruguai-Koreja e Jugut përfundoi në barazim pa gola, ndërkohë që tani është radha e duelit tjetër të grupit H në Kupën e Botës Katar 2022. Portugalia e Cristiano Ronaldos sfidon Ganën në “Stadium 974”, stadium me kapacitet 44,089 tifozë.

Fernando Santos i ka besuar repartin e sulmit CR7, Joao Felix dhe Otavios, 27-vjeçarit të Portos, ndërkohë që Rafael Leao e fillon takimin nga stoli. Ronaldo synon ta nisë me gol dhe fitore Botërorin e pestë në karrierë.

“Yjet e Zinj” të Ganës, të cilët nuk ishin pjesë e Rusi 2018, zbresin në fushë me skemën 5-4-1. Maja e sulmit i është besuar Inaki Williams, goleadorit të Athletic Bilbaos, i cili në Katar do të luajë Botërorin e parë në karrierë.

FORMACIONI ZYRTAR

Lajme të tjera

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Merkato

Bento Matheus Krepski pritet të jetë një nga përforcimet e Interit gjatë merkatos verore. Kampionët e Italisë kanë përzgjedhur 24-vjeçarin brazilian si portierin e...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...