Është iranian dhe e konsideronte veten “Hulku” i vendit të tij. Në rrjet mund të gjesh pa fund foto të tij, ku shfaqet si një supermen, me muskuj si mal. Në moshën 30-vjeçare vendosi t’i përkushtohej boksit, madje madje duke u hedhën dorashkën e sfidës emrave të rëndësishëm të këtj sporti.
Mirëpo ndeshja e tij e parë ishte zhgënjim total për ata që besonin te madhështia e tij fizike. Fansat e “Hulkut” nga Irani (Sajad Gharibi) kanë mbetur të turpëruar kur në duelin me Kazakh Titan, ai rezistoi vetëm 40 sekonda.
Pas këtij dueli të mbyllur me “Knockout”, iraniani, që tani duhet t’u vijë turp ta quajë veten “Hulk”, tha se i vinte keq për zhgënjimin e fansave të tij, por kjo kishte ardhur nga fakti që nuk ishte përgatitur sa duhet.