Roma dhe Feyenoordi do të përballen mbrëmjen e 25 majit në “Air Albania” për të diskutuar trofeun e parë të Conference League, teksa një betejë më vete pritet të jetë edhe ajo mes dy tifozerive.
Ultrasit e të dy skuadrave kanë paralajmëruar përplasje me njëri-tjetrin gjatë qëndrimit në tiranë, teksa mbrëmjen e djeshme kanë qenë tifozët e Feyenoordit që kanë nisur betejën.
Dy prej tyre u afruan në hotelin ku do të vendoset klubi i Romës dhe përfituan nga rasti për të urinuar pranë autobusit të verdhekuqve, që mbërriti dy ditë më parë në Tiranë, për të shoqëruar skuadrën gjatë qëndrimit këtu.
Gjithsesi sot dhe nesër pritet që numri i tifozëve italianë e holandezë të shtohet ndjeshëm, teksa ekspertë të sigurisë kanë paralajmëruar se mund të ketë shpesh përleshje masive mes tyre, në rrugët e Tiranës.