Mallorca barazoi në shtëpi me Real Sociedad në shifrat 1-1, në një sfidë ku mungonte për shkak kartonësh futbollisti i përfaqësues së Kosovës, Vedat Muriqi.
Ndeshja nisi mirë për miqtë që shënuan që në minutën e tretë me anë të Carlos Fernandez. Më pas ritmi i lojës ishte i ulët. Goli i barazimit u realizua në fillimin e pjesës së dytë, saktësisht në të 50′ me Kang-In Lee.
Koreanojugori kaloi dhe portierin Remiro, për ta dërguar topin në rrjetë dhe për të nisur festën në stadium. Në vijim rastet nuk munguan, me Ndiaye që u ndal nga shtylla.
LEXO EDHE:
- VIDEO/ Rrahmani gjen rrjetën dhe vulos fitoren e Napolit ndaj Atalanta-s
- VIDEO/ Seferi i pandalshëm, shënon golin e shtatë në Ukrainë
- Guardiola elozhe për mesfushorin: I shkëlqyer, por jo sa unë! Kundër Crystal Palace ishim perfekt
- Mposhti sëmundjen e keqe dhe i solli fat skuadrës kundër Liverpool, rikthehet pas 525 ditësh
Sociedad e mbylli takimin me 10 lojtarë pas daljes me të kuq të Merinos (90′). Kjo është ndeshja e katërt radhazi pa fitore në kampionat dhe e pesta në të gjitha garat.
Pavarësisht rezultateve të fundit, Sociedad ndodhet në vendin e katërt me 45 pikë, po aq sa dhe Atletico Madrid. Mallorca në anën tjetër renditet e dhjeta me 32 pikë.
