Super sfida Vllaznia-Laçi do të vendosin në finalen që do të startojë në orën 19:00 në “Air Albania” fituesin e Kupës së Shqipërisë.
Aktualisht tifozët e të dyja skuadrave në fjalë janë nisur nga qytetet përkatëse drejt Tiranës, për të ndjekur këtë finale.
Faqja e skuadrës së kurbinasve ka publikuar një video ku shfaqen makina të tëra luksoze që nisen drejt stadiumit “Air Albania” me flamuj të skuadrës “bardhezi”.
Nëse Laçi e do këtë trofe për histori, pasi Europën e ka të sigurt, me kampionatin që e mbylli në vend të dytë, Vllaznisë nga ana tjetër i duhet patjetër kjo fitore, si mundësia e fundit për të qenë pjesë e garave europiane.