Bate Borisov – Partizani 2-0 (Malkevich 71′, Shestyuk 90+12′)
Mes dominimit, zotërimit të topit dhe shumë rasteve të shpërdoruara, Partizani gjen epilogun e rrugëtimit në Champions League përballë BATE Borisov.
Bjellorusët që konsideroheshin si një kundërshtar i kalueshëm surprizuan të kuqtë me triumfin 2-0, duke i ndëshkuar me dy rastet e vetme të rrezikshme të krijuara në pjesën e dytë dhe duke siguruar kështu kalimin në turin e dytë të Ligës së Kampionëve.
Partizani e nisi me shumë iniciative pjesën e parë dhe rastin e parë të rrezikshëm e prodhoi që në minutën e 12′, kur Christian Mbaa goditi bukur me kokë, por portieri i Bates e devijoi topin në mënyrë shpëtimtare në këndore.
Vetëm një minutë më pas, pas krosit nga goditja këndore, Mba goditi sërish, por sërish i pafat, teksa goditja shkoi jashtë. Në minutën e 31′, tentoi Valentino Murataj nga një kënd shumë i vështirë, por përsëri Kudravets reagoi mjaft mirë.
Demat e Kuq ishin përsëri mjaft kërkues edhe në të dytën teksa në të 52′, Murataj shpërdoroi një mundësi të pafalshme brenda zonës. Partizani vijoi të mbetej në portën e Bates dhe efikasitetin dhe pragmatizmin që nuk e treguan të besuarit e Zoran Zekic, e shfaqën lojtarët e BATE Borisov, që shfrytëzuan në maksimum rastin e tyre të parë të rrezikshëm.
Zbritje e shpejtë e Bates dhe pas krosimit nga e majta, Malkevic ishte në vendin e duhur dhe në momentin e duhur për të shënuar me kokë. Pas pësimit të këtij goli, Partizani mori një goditje psikologjike dhe e pati të vështirë të reagonte, duke shfaqur shenja nxitimi dhe nervozizmi para portës.
Në fund, u akorduan 10 minuta shtesë dhe të kuqtë i shkuan shumë pranë barazimit me Sotën në minutën e dytë të shtesës. Gjithsesi, fati i buzëqeshi përsëri bjellorusëve në minutën e fundit të shtesë që realizuan me Shestyuk, duke i dhënë goditjen finale Partizanit.
Të kuqtë e mbyllin me dëshpërim të thellë rrugëtimin në Champions League dhe tanimë do ta vijojnë rrugëtimin në Europë, në Ligën e Konferencës ku do të luajnë ndaj skuadrës nga Andorra të Inter D’Escaldes.
90+12′ – Kapet gafil në kundërsulm Partizani, Shestiyk mbyll ndeshjen, 2-0
90+8′ – Sembene bën roli e mbrojtësit mbi vijën fatale të Bates, tjetër rast i pastër i humbu nga Partizani.
72′ – Da Silva nxjerr të lirë Hadrojin, por vetëm rrjetë e jashtme.
71′ – E pabesueshme si ndëshkohet Partizanit. Në rastin e parë që Bate i afrohet zonës së të kuqve në pjesën e dytë, shënon Malkevich, 1-0.
52′ – Aksion model i Partizanit, portieri i mohon golin Murataj.
46′ – Sapo nis pjesa e dytë, mbrojtja e Bates i dhuro një top Da Silvas që nuk përfiton, këndore për Partizanin.
31′ – Tenton të befasojë portierin kundërshtar Murataj nga një kënd thuajse zero, këndore për të kuqtë.
12′ – 13′ – Partizani, i papërmbajtshëm në minutat e para, e mbyll Baten në portën e saj. Christian Mba ka mundësi në disa raste të shënojë, por është i pafat.
Trajneri i Partizanit, Zora Zekic, zgjedh të njëjtin formacion si në takimin e parë në përballjen e kthimit me Bate Borisovin, që zhvillohet në “Városi Stadion”, në Mezőkövesdi të Hungarisë, pa praninë e tifozëve.
Paraqitja e mirë në “Air Albania” duket se e ka bindur trajnerin kroat t’u besojë të njëjtëve futbollistë nga minuta e parë.
Lexo edhe:
- Champions League “zbarkon” në Ohër, Struga gati për të shkruar historinë ndaj Zalgiris
- Trajneri Linfield paralajmëron skuadrën: Përgatituni për më të keqen, në Shqipëri na lanë pa top
- “Nuk kthehem në Europë, aty vlen vetëm Premier League”, CR7 “thumbon” Messin për kalimin në MLS
- Kampion Europe me Italinë, futbollisti me orgjinë shqiptare: Stop krahasimeve me Del Pieron, kam një ëndërr
Në portë luan Pano Qirko, në mbrojtja katërshja Hadroj-Sota-Sembene-Atanaskovski. Në mesfushë i besohet treshes Rrapaj-Mehmeti-Murataj dhe në sulm tredhëmbëshit Da Silva-Mba-Cara.
Kujtojmë që takimi i parë në “Air Albania” përfundoi në barazim 1-1.
