Connect with us

Hi, what are you looking for?

Featured

VIDEO/ Pas Senegalit edhe Gana, Kameruni, Maroku e Tunizia në Botëror! Tërbohen tifozët nigerianë

Pas Senegalit, që triumfoi sërish ndaj Egjiptit me penallti si në finalen e Kupës së Afrikës, janë kualifikuar në Katar 2022 edhe katër kombëtare të tjera afrikane: Gana, Kameruni, Maroku dhe Tunizia.

 

Gana barazoi 1-1 në Nigeri dhe siguroi kualifikimin në Botëror pas barazimit pa gola në ndeshjen e parë (goli jashtë fushe vlen akoma në duelet e futbollit afrikan).

Thomas Partey i Arsenalit kaloi kombëtaren mike në avantazh (9’), por vendasit reaguan shpejt dhe vendosën baraspeshën me anë të William Troost-Ekong. Lojtari i Watfort ktheu në gol një penallti në mesin e pjesës së parë.

 

Victor Osimhen gjeti rrjetën (34’), por goli i sulmuesit të Napolit u anulua nga VAR-i, që ndali festën e vendasve. Sfida nuk prodhoi më gola dhe në fund festuan ganezët.

Tifozët nigerianë nuk e pritën aspak mirë mungesën e kualifikimit dhe zbritën në fushën e blertë duke shkaktuar trazira të shumta. Kameruni realizoi një përmbysje të madhe në Algjeri.

“Luanët e Paepur” kishin humbur 0-1 në shtëpi, ndërsa dje triumfuan 1-2 në Blida të Algjerisë, duke u kualifikuar në Katar 2022 falë golit jashtë fushe. Eric Maxim Choupo-Moting kaloi miqtë në avantazh në pjesën e parë.

Algjeria barazoi takimin në fillimin e fraksionit të dytë të sfidës, por VAR-i anuloi golin e Islam Slimani. Ndeshja në shtesa, sulmuesi i Sportingut të Lisbonës u ndal sërish nga VAR-i (98’), por Algjeria ia doli të realizonte një gol të rregullt.

Ahmed Touba tundi rrjetën kundërshtare në minutën e 118’, por Karl Toko Ekambi, sulmuesi i Lyonit, shënoi në 124’ dhe i dhuroi Kamerunit një kualifikim drithërues.

Maroku nuk hasi probleme në shtëpi përballë Republikës Demokratike të Kongos, rival që pasi e mposhti 0-2 në transfertë e mundi edhe 4-1 në shtëpi. Achraf Hakimi ishte një nga autorët e golave për Marokun.

Festoi edhe Tunizia, që iu fal fitores 0-1 në ndeshjen e parë për t’ia dalë përballë Malit. Sfida e kthimit përfundoi në barazim pa gola, me Tunizinë që mbajti portën e paprekur dhe preu një biletë për në Katar.

[quiz-cat id=”297576″]

Lajme të tjera

Featured

Thomas Strakosha është zyrtarisht lojtari më i ri i skuadrës së AEK Athens. Këtë lajm e ka konfirmuar vetë klubi grek përmes rrjeteve sociale,...

Merkato

Roberto De Zerbi ka nisur aventurën në stolin e Marseille, teksa në krye të listës së përforcimeve ka vendosur sulmuesin e talentuar të Interit...

Legjionarët

Etrit Berisha drejt Serisë B. Gardiani 35-vjeçar shqiptar është i lirë, pasi i ka përfunduar kontrata me Empolin, ku edhe mbylli sezonin e aktual,...

Futboll

Ronald Koeman ka konfirmuar se ai synon të vazhdojë punën e tij si trajner i Holandës, pavarësisht faktit se së fundmi gruaja e ti...