Ashtu siç pritej përballja Kastrioti-Egnatia nuk ka zhgënjyer, duke qenë një “luftë” e vërtetë dhe në fund fitues dolën vendasit. Kjo përballje ka nisur që në dhomat e zhveshjes përpara se lojtarët të zbrisnin në fushë për fillimin e takimit, me Adolf Selmanin që është përplasur me Pedro Auguston.
Ndeshja u mbyll me rezultatin 2-1, ndërsa në pjesën e parë dominimi ishte i gjithi i krutanëve, ndoënse rruga drejt rrjetës nuk u gjet dhe ky fraksion u mbyll me barazimin 0-0.
Në pjesën e dytë ndeshja ishte deri diku më e balancuar, ndërsa zhbllokimi i sfidë do të vinte vetëm pas një ore lojë. Në minutën e 60’ Pedro Augusto do u dhuronte avantazhin rrogozhinasve, pas një asisti nga Jackson, që kaloi mjaft lehtë mbrojtjen e Kastriotit. Ky avantazh zgjati vetëm 12 minuta, kur Hasani do të barazonte, falë një asisti të marrë nga Neziri.
Egnatia pati mundësinë që të dyfishonte rezultatin, por ekipi i Zekirija Ramadanit nuk ia doli, me kapitenin Gëzim Krasniqi që në minutën e 80’ do të humbiste penalltinë.
Në ndryshim nga Egnatia që nuk e shfrytëzoi atë mundësi, Kastrioti do të këmbëngulte dhe vetëm 6 minuta më pas do të kalonte në avantazh pas një goditjeje të Bedri Grecës drejt portës së Pujës, me Levendin që në tentativë për ta ndalur atë top, e dërgoi në portë dhe me autogol i dhuroi kundërshtarëve fitoren.
Pas takimit të raundit të 31-të të Abissnet Superiore, Kastrioti merr fitoren e shtatë radhazi në kampionat dhe shkon në kuotën e 43 pikë, në vend të gjashtë, vetëm 3 pikë më pak se vendi i tretë dhe nga garat e Europës. Teksa Egnatia qëndron në vend të tetë me 34 pikë të grumbulluara, 5 më pak se Teuta e vendit të shtatë dhe po aq pikë larg mbijetesës së sigurt.
Kastrioti-Egnatia (2-1)
Abissnet Superiore java e 31-të
86’-Gool! Kastrioti përmbys rezultatin, pas një goditje nga Bedri Greca drejt portës së Pujës, por është Levendi ai i cili prek i fundit topin dhe duke u dhuruar kundërshtarëve avantazh.
80’-E rëndë për Egnatian, Gëzim Krasniqi merr përsipër ekzekutimin e penalltisë, por ndalet nga portieri Sali.
78’-Ndërhyrja e gabuar e Didës ndaj Delarge, Egnatia fiton penallti.
75’-Hasani shtyn skuadrën përpara pas festës së golit dhe pason Zogajn, i cili ndalet nga Puja, më pas është Ajazi ai që kërkon ta dërgojë topin në portë, por krijon vetëm iluzionet e golit.
72’-Goool! Hasani barazon rezultatin, i cili shënon pas një asisti nga Neziri dhe u dhuron festë tifozëve që ndodhen në stadiumin e Kamzës.
66’-Kastrioti, shumë pranë golit të barazimit. Pas një rrëmuje në zonë, Greca e gjuan topin në shtyllë, më pas tenton Adolf Selmani, por ndalet nga traversa.
60’-Goool! Pedro kalon në avantazh Egnatian, pas një asisti nga Jackson i cili kaloi Selmanin, Pedro shënon.
53’-Egnatia humb rastin më të pastër, Jackson kalon Ramin dhe Adolf Selmanin dhe më pas asiston Delarge, por ky i fundit e dërgon topin shumë lart mbi portë.
Nis pjesa e dytë e Kastrioti-Egnatia
Mbyllet me barazim pa gola sfida Kastrioti-Egnatia në stadiumin e Kamzës
27’-Egnatia e pafat, Pedro Augusto afron topin në zonë dhe më pas shërben Delarge, por goditja e këtij të fundit ndalet nga shtylla.
24’-Karakaçi kroson topin drejt zonës, Bedri Greca godet me kokë, por ndalet nga shtylla.
20’-Kundërsulmi i Egnatias, Demir Imeri kërkon të gjejë golin duke gjuajtur nga distanca, por ajo goditje ishte shumë e lehtë dhe u ndal me thjeshtësi nga Sali.
17’-Rami kroson topin me forcë, por ndalet nga Bruno Puja.
16’-Rami kroson topin drejt zonës, provon Dida, por topi largohet nga Krasniqi.
11′-Hasani kërkon të gjejë golin, por bllokohet nga Krivanjeva dhe më pas Allmuça largon topin nga zona.
06’-Bekim Dida tenton të gjejë golin me një goditje me kokë, por nuk ia del dhe e dërgon topin mbi portë.
Nis sfida Kastrioti-Egnatia në stadiumin e Kamzës.
Formacionet zyrtare:
Kastrioti: Sali, Neziri, Dida, Selmani, Rami, Karakaçi, Onanuga, Zogaj, Hasani, Greca, Kaina.
Trajner: Emiliano Çela
Egnatia: Puja, Ymeralilaj, Krasniqi, Krivanjeva, Allmuca, Agbekpornu, Duranski, Delarge, Imeri, Jackson, Pedro.
Trajner: Zekirija Ramadani
Arbitër kryesor: Enea Jorgji
Asistentë: Emigres Ganxhi, Mariglen Llukman
Arbitër i katërt: Indrit Myrtja
VAR: Kridens Meta
AVAR: Mario Shazivari