Feyenoord-Slavia Prague është një nga çerekfinalet e Conference League. Takimi i parë po luhet në Roterdam, teksa pjesa e parë përfundoi në barazim 1-1.
Vendasit kaluan në avantazh në minutën e 10-të falë golit të kolumbianit Luis Sinisterra, por skuadra çeke gjeti golin e barazimit në minutën e 41-të.
Kapiteni i Slavias, nigeriani Peter Olayinka vendosi heshtjen në “De Kuip”, duke realizuar një gol të rëndësishëm për ekipin e tij.
Ish-sulmuesi i Skënderbeut dhe Bylisit në Shqipëri, po bën mirë prej vitesh me Slavian, ekip me të cilin ëndërron të mbërrijë në finalen e madhe të “Air Albania” (25 maj).