Connect with us

Hi, what are you looking for?

Kupa e Francës

VIDEO/ PSG argëtohet në Kupë, Empoli “fik” Interin në “San Siro”

PSG fitoi 0-7 përballë amatorëve të Pays de Cassel në Kupën e Francës, ndërkohë që Interi u befasua nga Empoli në “San Siro” në takimin e fundit të fazës së parë në Serie A.

Dueli i raundit të 1/16-ve në Kupën e Francës ishte një formalitet për skuadrën e Galtier. Kylian Mbappe realizoi tre gola në pjesën e parë, fraksion ku e gjeti rrugën e rrjetës edhe Neymar.

Në pjesën e dytë, Mbappe festoi edhe dy herë të tjera, teksa shënoi edhe spanjolli Carlos Soler. Në raundin e 1/8-ve, PSG do të ndeshjet me Marseille, një klasike e futbollit francez.

Me pesë golat në ndeshjen e sotme, Mbappe u kthye në futbollistin e parë në historinë e PSG-së që ia del të shënojë pesë herë në një ndeshje zyrtare.

Interi doli pa pikë nga sfida shtëpiake ndaj Empolit. Skuadra toskane fitoi 0-1 falë golit të 19-vjeçarit Tommaso Baldanzi (66’). Talenti italian mori një asist nga Nedim Bajrami dhe mposhti Onanën me një goditje potente.

Vendasit luajtën nga minuta e 40’ me dhjetë lojtarë pas daljes me të kuq të kapitenit Milan Skriniar (dy të verdhë). Kristjan Asllani u fut në fushë për Interin në minutën e 72’, ndërkohë që një minuta më vonë u zëvendësua Bajrami në krahun tjetër.

Interi mbetet në vendin e tretë me 37 pikë, 13 më pak se Napoli kryesues. Fitore e artë për Empolin, që është ngjitur në vendin e nëntë me 25 pikë.

Lajme të tjera

Futboll

Vinicius Junior ka përfunduar në shënjestrën e ish-futbollistit brazilian, Carlos Alberto Gomes, i njohur si Pintinho. Ky i fundit që ka bërë karrierë në...

Euro 2024

Një përplasje e rëndë ndodhi në ndeshjen Skoci-Hungari, me lojtarin e hungarezëve Barnabas Varga që ka rënë pa ndjenja në tokë pas tronditjes së...

Kombëtare

Armando Broja do të largohet nga Chelsea këtë verë. Për sulmuesin ka patur oferta nga disa skuadra europiane, por SuperSport mëson ekskluzivisht nga burime...

Euro 2024

Trajneri i Spanjës, Luis De La Fuente tha për mediet në prag të ndeshjes ndaj Shqipërisë që luhet këtë të hënë për llogari të...