PSG fitoi 4-2 përballë Nantes dhe shkon në kuotën e 63 pikëve në krye të renditjes.
Lionel Messit i mjaftuan më pak se 12 minuta lojë për të gjetur golin në ndeshjen e shtëpisë kundër Nantes.
“Ylli” argjentinas ishte iniciues i një aksioni që e mbylli vetë me gol, duke përfituar edhe nganjë lloj përgjumjeje të mbrojtjes mike.
Pesë minuta më vonë, Parisi e thelloi epërsinë në 2-0 falë autogolit të Hadjam.
Skuadra e Nantes u vuri shumë shpejt fre euforisë së PSG-së, duke shënuar dy herë brenda pak minutash.
Në të 31-tën, Blas përfitoi nga një pasiguri e Donnarummës, duke e dërguar topin në rrjetë në një kënd thuajse zero.
Vetëm shtatë minuta më vonë, në zhvillimet e një këndoreje Nantes barazon rezultatin dhe bën të heshtë “Parc des Princes”.
Sigurisht që PSG nuk mund të qëndronte “duarkryq” në këtë situatë dhe pas shumë përpjekjesh vendësit rikthyen avantazhin me Pereirën në minutën e 60-të.
Në minutën e parë shtesë u ngjit në “katedër’ Kylian Mbappe me golin e rezultatit përfundimtar 4-2.
