Connect with us

Hi, what are you looking for?

Featured

VIDEO/ Qershor zhgënjyes për kuqezinjtë, nuk fitojnë dot as ndaj Estonisë

Shqipëria zhgënjen sërish, këtë herë në miqësoren ndaj modestëve të Estonisë, ku nuk shkoi dot përtej barazimit pa gola, duke konfirmuar vështirësinë e skuadrës për të krijuar dhe shënuar.

Trajneri Reja kishte zgjedhur t’u japë mundësinë lojtarëve që ishin aktivizuar pak ose aspak në dy ndeshjet e Ligës së Kombeve, teksa nga minuta e parë luajtën emra si Bajrami, Mihaj, Hoxhallari, Çokaj, Seferi e Ramadani.

Në pjesën e parë kuqezinjtë patën iniciativën, por nuk arritën të konkretizojnë në raste, teksa mundësinë e vetme për shënim e pati në kokë Giacomo Vrioni, që gjuajti keq dhe dërgoi topin mbi kuadrat.

Në 45-minutëshin e dytë Reja hodhi në fushë edhe emra si Uzuni e Broja, për t’i dhënë një tjetër ritëm lojës së skuadrës, por pavarësisht disa rasteve të krijuara, rezultati mbeti i pandryshuar.

Dy herë portieri kundërshtar u bë pengesë për shënimin e golit, teksa në 2-3 raste të tjera Uzuni u tregua i pasaktë në gjetjen e portës, duke bërë që Shqipëria të mos shkojë dot përtej barazimit pa gola.

Kjo ishte sfida e fundit e Shqipërisë për këtë sezon, teksa kuqezinjtë do të rikthehen në fushë më 24 dhe 27 shtator, për ndeshjet e Ligës së Kombeve ndaj Izraelit dhe Islandës.

Mbyllet kështu në mënyrë zhgënjyese ky sezon për kuqezinjtë, që jo vetëm e shohin veten larg vendit të parë në grupet e Ligës së Kombeve, por tregojnë se nuk dinë të shënojnë as ndaj një kundërshtari modest si Estonia.

Shqipëri-Estoni (0-0)

Miqësore 

 – Mbyllet në barazim pa gola miqësorja mes Shqipërisë dhe Estonisë.

83’ – Tjetër krosim për Uzunin, që kërcen, por nuk godet si duhet dhe dërgon topin jashtë kuadratit, pa rrezik për portierin mik.

80’ – Zbritje e shpejtë e Uzunit, që kërkon pasimin brenda zonës, por ndërhyn mbrojtja estoneze dhe largon topin në këndore.

73’ – Tjetër krosim në zonë, këtë herë për Brojën, që provon me kokë, por nuk i jep forcën e duhur topit.

73’ – Top i gjatë për Uzunin, që provon të devijojë sferën drejt rrjetës në një mënyrë mjaft të zgjuar, por është i pafat dhe nuk gjen kuadratin.

60’ – Pranë golit Estonia. Pas një krosimi të ardhur nga krahu, ishte numri 20 Poom që goditi me kokë, por topi shkoi ngjitur me shtyllën e portës së Selmanit.

 

53’ – Çekiçi fiton një goditje dënimi mbi vijën e 16-metërshit, të cilën e ekzekuton vetë dhe gjen kuadratin, por grushton portieri i Estonisë.

50’ – Uzuni lëviz bukur dhe lëshon një goditje nga distanca, por gardiani i Estonisë fluturon dhe shmang golin.

 – Mbyllet pa gola pjesa e parë në “Air Albania”

32′ – Çekiçi hedh një kros perfekt për Vrionin, që shpërdoron dhe godet mbi kuadrat. Mundësi ideale për kuqezinjtë…

30’ – Kuqezinjtë ekzekutojnë një këndore, teksa Seferi provon të dërgojë topin në rrjetë, por topi devijohet dhe largohet nga mbrojtja estoneze.

22′ – Krosim në zonë për Vrionin që kërcen mirë, por godet keq dhe nuk rrezikon portën kundërshtare…

16’-Hysaj tenton të gjej golin në një gjuajtje nga distanca, por e dërgon topin te portieri Igonen.

08-Dëmtohet Hoxhallari, ndalet për pak momente ndeshja.

Nis ndeshja miqësore mes Shqipërisë dhe Estonisë në “Air Albania”.

Formacioni zyrtar:

Shqipëria: Selmani, Bajrami, Mihaj, Hoxhallari, Veseli, Çokaj, Ramadani, Çekiçi, Hysaj, Seferi, Vrioni
Trajner: Edy Reja

Estonia: Igonen, Kuusk, Paskotsi, Lukka, Purl, Peetson, Soomets, Poom, Miller, Sorga, Zenjov
Trajner: Thomas Häberli

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Featured

Aksionet e familjes Halili te Tirana dalin në shitje. Zyra e Përmbarimit privat Albase ka shpallur daljen në ankand të 66% të aksioneve të...

Serie A

Mesfushori i Interit, Hakan Calhanoglu ka dhënë një intervistë për faqen humoristike sportive “Gli Autogol”, ku ka rrëfyer dhe aspekte të tjera të shokëve...