Pas triumfit 2-0 ndaj Teutës, që i dha titullin kampion në Kategorinë Superiore, Drejtori i Përgjithshëm i Partizanit, Olsi Rama, u shpreh i lumtur për trofeun e dytë me ekipin e futbollit të “Demave”.
Në një prononcim për gazetarin Renaldo Sinani në “SuperSport”, Rama theksoi se ky është trofeu i tij i tretë, pasi numëron edhe një në basketboll.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- EKSKLUZIVE/ As Bundesliga dhe as Serie A, ja ku do të jetë e ardhmja e Igli Tares
- Kontratë dyvjeçare, Chelsea konfirmon trajnerin e ri
- Partizani feston titullin e 17-të në histori, Vllaznia shkon në Europë. Bie Bylisi, shpresë për Erzenin!
Drejtori i Partizanit u shpreh se suksesi është i trajnerit Giovanni Colella dhe I të gjithë skuadrës, ndërsa shtoi se shpreson që ky titull t’u hapë rrugën sukseseve të tjera.
“Gati gjashtë vjet me Partizanin, titulli i dytë. Besoj me karrierën time sportive, një titull në basketboll dhe dy në futboll për një kohë relativisht të shkurtër janë një sukses, të cilin ia dedikoj familjes së Partizanit sepse me të vërtetë këtë vit pritej të kishte një hap cilësor me ndërtimin e kompleksit. Kështu që shpresoj se do të jetë një titull që do të na hapë rrugën edhe për triumfe të tjera. Unë nuk e di cili trajner tjetër i huaj ka fituar titullin. Colella është një trajner i huaj që vjen në Shqipëri dhe ka fituar titullin që në vitin e tij të parë. Jemi shumë të gëzuar për këtë aspekt dhe që padiskutim ishte një sukses, por nuk është vetëm suksesi i tij, është suksesi i të gjithë ekipit dhe i këtyre çunave që me punën e tyre dhe me karakterin e tyre arritën që të shpalleshin kampionë.”-deklaroi Olsi Rama.