Haaland i dhuron një fitore spektakolare Manchester City-t, që del me pikë të plota në përballjen me Wolves. “Citizens” triumfuan me rezultatin 3-0, me autor të të tre golave sulmuesin norvegjez.
Vendasit diktuan ritmin e sfidës, megjithatë u desh minuta e 40’, që pas një asisti nga De Bruyne, Haaland ta dërgonte topin në rrjetë dhe t’i dhuronte avantazhin ekipit të tij.
Më pas në minutën e 49’ norvegjezi do të gjente sërish rrugën drejt rrjetës, duke shënuar nga pika e bardhë e penalltisë.
Teksa vetëm pesë minuta më pas, duke shfrytëzuar një pakujdesi të Jose Sa, Haaland shënoi golin e tretë personal dhe të tretin për skuadrën e Guardiolës.
Pas raundit të 21-të të Premier League, Manchester City renditet në vend të dytë me 45 pikë, teksa Wolves në vend të 17-të me 17 pikë.
Golat:
Erling Haaland i dhuron avantazhin ekipit të tij, ku pas një asisti nga De Bruyne, realizoi me kokë në minutën e 40’.
Haaland dyfishon avantazhin, shënon nga pika e bardhë e penalltisë në minutën e 49′.
Çfarë gafe nga ana e Wolves, Mahrez i asiston Haaland dhe norvegjezi “dënon” kundërshtarët në minutën e 54’.
Ndërkohë Leeds United-Bremtford janë ndarë me barazim pa gola në javën e 21-të të Premier League. Brentford renditet në vend të tetë me 30 pikë, teksa Leeds në vend të 15-të me 18 pikë të grumbulluara.