Roma hodhi pas krahëve humbjen ndaj Ludogorets në ndeshjen e parë në grup dhe mori fitoren e parë në Europa League, pikërisht në “Olimpico” përballë finlandezëve të HJK Helsinkit. Mourinho i dha mundësinë e debutimin nga minuta e parë, sulmuesit italian Andrea Belotti, i cili bëri mjaft mirë punën e tij, pasi që në minutën e 15’ i iku mbrojtësit Tenho, i cili e ndali me faull dhe u ndëshkua me karton të kuq.
Më pas gjithçka foli për skuadrën e drejtuar nga Jose Mourinho, që në pjesën e parë hasi në një pengesë të madhe, siç ishte portieri i finlandezëve. Me fillimin e pjesës së dytë, Mourinho hodhi në fushë Dybalën, i cili zhbllokoi sfidën pas vetëm dy minutash, ndërsa në të 49-n ishte Lorenco Pellegrini që dyfishoi shifrat.
Në të 68-n shënoi emrin në listën e golashënuesve edhe Andrea Belotti, ndërsa paraqitje mjaft të mirë bëri Zaniolo, që asitoi në dy nga tre golat e verdhekuqve këtë mbrëmje. Po në grupin e Romës, Betis mposhti 3-2 bullgarët e Ludogorets dhe u ngjit në krye me 6 pikë të plota, ndërsa protagonist ishte 41-vjeçari Joaquin, që shënoi emrin në listën e golashënuesve, duke treguar se mosha është thjesht një numër për të.
Në Conference League sfida më e rëndësishme ishte ajo mes Basaksehir dhe Fiorentinës, që u fitua me rezultatin 3-0 nga turqit, ndërsa italianët treguan se këtë sezon janë një skuadër e brishtë, që nuk po arrin të bëjë dot rezultat. Fitore me vuajtje morën edhe anglezët e West Ham, në transfertën ndaj Silkeborgut, ndërsa Nice mori një pikë ndaj Partizanit të Beogradit në Serbi.
EUROPA LEAGUE
Roma-Helsinki 3-0 (Dybala 47′, Pellegrini 49′, Belotti 68′)
Betis-Ludugorets 3-2 (Luiz Henrique 25′, Joaquin 39′, Canales 59′ / Despotov 45+1′, Rick 74′)
Bodo/Glimt-Zurich 2-1 (Selnaes (aut) 54′, Vetlesen 58′ / Avdijaj 81′)
Braga-Union Berlin 1-0 (Vitinha 77′)
Rennes-Fenerbahce 2-2 (Terrier 52′, Majer 54′ / Kahveci 60′, Valencia (pen) 90+2)
Union SG-Malmo 3-2 (Burgess 17′, Teuma 69′, Boniface 71′ / Ceesay 6′, Thelin 57′)
Dynamo Kyiv-AEK Larnaca 0-1 (Gyursco 8′)
CONFERENCE LEAGUE
Partizan-Nice 1-1 (Diabate 60′ / Laborde 2′)
Silkeborg-West Ham 2-3 (Kusk 5′, Tengstedt 75′ / Lanzini 13′, Scamacca 25′, Dawson 38′)
Koln-Slovacko 4-2 (Adamyan 11′, Dietz 42′, Ljubicic (pen) 65′, 74′ / Kalabiska 49′, Petrzela 52′)
Basaksehir-Fiorentina 3-0 (Gurler 57′, 71′, Traore 90′)
Steaua-Anderlecht 0-0
Hapoel Beer Sheva-Villareal 1-2 (Hatuel 63′ / Morales 28′, Baena 67′)
Lech Poznan-Austria Vienna 4-1 (Ishak 28′, Skoras 64′, Velde 76′, 90′ / Braunoder 29′)
RFS-Hearts 0-1 (Shankland (pen) 43′, Forrest 90+3′)