Roma përmbys Leccen në “Olimpico” dhe rikthehet te triumfi në Serie A, teksa skuadra e D’Aversa-s numëron ndeshjen e tetë pa fitore në kampionat.
Ekipi i Mourinhos pati mundësinë për të marrë avantazhin në minutën e 5’, por Lukaku nuk ia doli të shënonte nga pika e bardhë e penalltisë, pasi u ndal nga Falcone.
Lexo edhe:
- VIDEO/ Cikalleshi e bën dramë në limite, shpëton Konyaspor nga humbja
- Nuk ka fitues në “Kukës Arena”, Dinamo dhe Kukësi pa “shënjestër”
- “Kështu nuk vazhdohet”, trajneri legjendar largohet papritur nga futbolli: Ishte ndeshja e fundit!
- John van’t Schip nis kthesën, Ajax bën “poker” ndaj Heerenveen dhe merr fitoren e dytë radhazi
Sfida vazhdoi me barazim pa gola deri në minutën e 72’, kur pas një kundërsulmi i asistuar nga Banda, Almqvist gjen rrugën drejt rrjetës dhe kalon Leccen në avantazh.
Megjithatë në minutën e 90+1’ Roma gjeti barazimin me Azmoun dhe vetëm tre minuta më pas Lukaku rimëkëmbi gabimin e minutës së pestë dhe përmbysi rezultatin, duke rikthyer Romën te triumfi.
2-1 dhe Roma ngjitet në vend të tetë me 17 pikë, teksa Lecce qëndron në vend të 11-të me 13 pikë pas javës së 11-të të Serie A.
