Ronaldo gjen golin e parë “arab”. I transferuar me bujë në fund të muajit dhjetor, ylli portugez shënoi vetëm në fundin e ndeshjes së tij të tretë me fanellën e Al Nassr.
Viktima e portugezit ishte Al Fateh, teksa në minutat shtesë Al Nassr fitoi një penallti, të cilën Ronaldo e ekzekutoi qetësisht, duke shënuar golin e barazimit 2-2, që ishte edhe rezultati final i sfidës.
Iu deshën plot tri ndeshje si titullar dhe një penallti e fituar, që Ronaldo të shënojë golin e parë, megjithatë në Arabinë Saudite presin shumë më tepër prej portugezit.
CR7 vendosi një rekord me transferimin te Al Nassr, pasi nënshkroi për dy sezone e gjysmë dhe një pagë totale prej 500 milionë eurosh, ose 200 milionë eurosh në sezon.
Vlen të theksohet se të gjithë ndeshjet e Ronaldos me Al Nassr deri në fund të sezonit, do të mund t’i ndiqni live në ekranin e SuperSport.
