Legjionarët

VIDEO/ Roshi gjen golin në Turqi, futbollisti i kombëtares ndëshkon kryesuesit

Futbollisti i kombëtares, Odise Roshi ka gjetur golin e parë në Turqi teksa shënoi në sfidën që skuadra e tij Boluspor, po luan në transfertë ndaj Ankaragucu. Fieraku përfitoi nga një përgjumje e ekipit kundërshtar dhe në minutën e 13-të me një goditje brenda zonës mposhti portierin kundërshtar.

Ky ishte goli i parë për Roshin me fanellën e Bolusporit në Ligën e Parë turke, ndërsa në të kaluarën ka dhuruar edhe dy asistime. Një prej të cilëve u regjistrua në ndeshjen e kaluar të Boluspor dhe ishte pikërisht për Bekim Balajn.

Shkodrani edhe në ndeshjen ndaj Ankaragucu e ka nisur titullar, ndërsa po ashtu nga minuta e parë për Boluspor është edhe portieri, Gentian Selmani ndërkohë që në stol është ulur Dejvi Bregu. Aktualisht, goli i Roshit është barazuar nga Ankaragucu që është skuadra kryesuese e Ligës së Parë turke, ndërsa Boluspor për momentin mban vendin e 14-të.

Kliko për të komentuar

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Të Fundit

To Top
Evolve Web Agency Evolve Web Agency