Brazili fitoi 1-0 ndaj Zvicrës (Casemiro) dhe siguroi kualifikimin në raundin e 1/8-ve në Botërorin e Katarit. Pjesa e parë përfundoi në barazim pa gola, teksa Neymar ishte mungesa e madhe e pesë herë kampionëve të botës.
Sulmuesi i PSG-së dëmtoi kaviljen në ndeshjen e fituar 2-0 ndaj Serbisë. 30-vjeçari pritet të mungojë edhe në sfidën e fundit të fazës së grupeve ndaj Kamerunit, për të qenë gati për takimet me eliminim direkt.
Në rrjetet sociale po qarkullon një video ku një person i maskuar si Neymar ndodhej në shkallët e stadiumit “Stadium 974” mes tifozëve brazilianë.
Këta të fundit ndihen të lumtur për faktin që kanë pranë idhullin e tyre, fotografitë me yllin e Brazilit nuk mungojnë, por ai nuk është Neymari i vërtetë, pavarësisht ngjashmërisë së madhe me të.
