Armando Sadiku zhbllokohet në Spanjë. Sulmuesi shqiptar realizoi golin e tij të parë me Las Palmas duke i hapur rrugën kualifikimit në raundin e 1/32-ave të Kupës së Mbretit ekipit të tij. Sadiku realizoi golin e barazimit provizor 2-2 për Las Palmas në transfertën ndaj skuadrës ndaj skuadrës së kategorisë së 4-t Velez.
Sulmuesi elbasanas i cili e nisi ndeshjen si titullar u gjend në vendin dhe në kohën e duhur në minutën e 43-të duke shtyrë drejt rrjetës një top të marrë nga Diez. Në pjesën e dytë Las Palmas realizoi edhe një gol tjetër duke përmbysur humbjen 2-1 në 2-3 për të avancuar në fazën tjetër të Kupës së Mbretit. Sadiku u zëvendësua në minutën e 68-të nga Clemente.