Sevilla gjen pikët e para dhe fitoren e parë në sezonin 2023/2024 në La Liga. Skuadra andaluziane ndodhej në krizë pas tri humbjeve, por sot ia doli të festonte falë triumfit 1-0 me Las Palmas.
Një sukses i vështirë për djemtë e Jose Luis Mendilibar, të cilët ia dolën të thyenin mbrojtjen mike në minutën e 71’. Ndërkohë që tri minuta më parë VAR-i anuloi golin e marokenit En Nesyri.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Belgu Dodi Lukebakio, i cili erdhi nga stoli, shënoi golin e fitores për Sevillan, që për herë të fundit në “Sanchez Pizjuan” kishte marrë pikët maksimale në 4 maj përballë Espanyolit (3-2).
Vendasit ishin me fat në minutat e fundit, me Las Palmas që humbi dy mundësi të pastra. Sevilla rikthehet në fushë në mesjavë. Kundër Lensit në shtëpi, për duelin e parë të fazës së grupeve në Champions League.
