Baseli humbi 0-2 përballë Zurich, përballje të cilën vendasit e mbyllën me 8 lojtarë. Njëri prej të ndëshkuarve me karton të kuq ishte Taulant Xhaka.
Kapiteni, i cili njihet për gjaknxehtësinë e tij, goditi me kokë kroatin Nikola Katic. Ndërkohë, një sherr i madh plasi mes lojtarëve të të dyja skuadrave.
Ish-mesfushori i kombëtares shqiptare, ka kërkuar falje për veprimet e kryera në derbin kundër Zurich. Në postimin në “Instagram”, 32-vjeçari shkruan:
Lexo edhe:
- VIDEO/ “Maradona” në festë, Fiorentina bën “korridorin e nderit” për kampionët
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron “Superclasico”
- Koret raciste ndaj Vlahovicit, reagon edhe presidenti i FIFA-s
“Dëshiroj të përfitoj nga rasti për të kërkuar falje për faktin që nuk e kontrollova veten. Si një lojtar me përvojë dhe kapiteni i Baselit, unë duhet të jem modeli që duhet ndjekur, sidomos në momente të vështira.
Për fat të keq nuk e shfaqa këtë në ndeshjen e mbrëmshme”, theksoi Xhaka, i cili kapi për fyti edhe Antonio Marchesano. Me karton të kuq u ndëshkua edhe Mirlind Kryeziu, i cili ndodhej në stolin e Zurich.
Lojtari shqiptar thekson se zemërimi i tij lindi nga ofendimet që pësoi ai dhe familja e tij. Por nuk dëshiron të justifikohet aspak për veprimet e kryera.
Disiplina zvicerane pezulloi Xhakën me 8 ndeshje. 7 për “çmenduritë” e tij dhe një ndeshje plus pasi plotësoi numrin e kartonëve.
