Gigio Donnarumma u transferua si lojtar i lirë te PSG verën e kaluar. Largimi nga Milani u shoqërua me kritika dhe ofendime të shumta ndaj “gardianit” italian, i cili nuk po arrin të tregojë potencialin që zotëron tek ekipi francez.
23-vjeçari ka zhvilluar 15 ndeshje si titullar me PSG-në në Ligue 1, nga të cilët e ka mbajtur të paprekur portën në vetëm 4 raste. Kryesuesit e kampionatit francez fituan 2-1 ndaj Marseille në “Parc des Princes”, falë golave të Neymar dhe Mbappe.
Skuadra mike barazoi përkohësisht rezultatin në minutën e 31-të me anë të Duje Caleta-Car. Mbrojtësi kroat i Marseille përfitoi edhe nga dalja gabim e portierit dhe dërgoi topin në rrjetë.
Ky nuk është rasti i parë që Donnarumma gabon, ku vlen të theksohet ajo ndaj Real Madrid në Champions League, që i hapi rrugë përmbysjes së ekipit të Ancelottit dhe solli eliminimin e PSG-së.
Moment i vështirë dhe formë e dobët e ish-milanistit, ndërkohë që verën e kaluar u shpall lojtari më i mirë në Euro 2022. Aventura në Francë nuk po shkon aspak ashtu siç e kishte menduar.