Shqipëria e minifutbollit është padyshim kryefjala e ditëve të fundit. Lojtarët kuqezi kanë shkruar historinë me rezultatet e marra, teksa fituan ndaj Luksemburgut dhe Spanjës dhe barazuan me Rumaninë.
Në prag të gjysmëfinales ndaj Gjeorgjisë, lojtarët e Shqipërisë kanë marrë një surprizë tejet të veçante, teksa janë përshëndetur me video-call nga Myrto Uzuni. Sulmuesi i Kombëtares ka përshëndetur dhe ka komplimentuar kuqezinjtë për rrugëtimin e bukur.
Përshëndetja e Uzunit është mirëpritur me shumë dëshirë nga futbollistë, të cilët qëndronin të grumbulluar. Surpriza e sulmuesit beratas ka shërbyer sigurisht për të rritur humorin dhe entuziazmin në prag të ndeshjes së radhës.
Lexo edhe:
- Çmenduri për golashënuesin e Serie A, një njohje e vjetër dhe Mbappe transferojnë Osimhen në Francë
- Dortmundi rikuperon 6 lojtarë para Bayernit, gati t’i prishë debutimin Tuchelit
- Precedenti i para 8 viteve dhe binjakëzimi me tifozët e Napolit, ndalohet transferta për ultrasit holandezë
- Minifutboll/ Shqipëria, një hap larg historisë! Ndaj Spanjës luhet për kualifikimin
Lojtarët e Shqipërisë do të zhvillojnë sot ndaj Gjeorgjisë gjysmëfinalen e EuroCup. Përballë gjeorgjianëve, kuqezinjtë do të tentojnë kualifikimin, pasi me anë të një fitoreje do të preknin finalen ku do të kishin mundësinë për të luftuar dhe për çmimin e madh.
Shqipëri-Gjeorgji do të transmetohet në SuperSport 1, duke nisur prej orës 18:00.
