Danimarka pësoi një humbje befasuese në takimin e dytë të fazës eliminatore të Euro 2024. Vikingët, të cilët e nisën aventurën në grupin H me suksesin 3-1 ndaj Finlandës, u mposhtën 3-2 në Kazakistan.
Sulmuesi që luan në Serie A me Atalantën, Rasmus Hojlund realizoi dy golat për danezët në pjesën e parë. 20-vjeçari ndodhet në formë të shkëlqyer, pasi shënoi 3 gola edhe ndaj Finlandës.
Gjithsesi, kombëtarja skandinave e mendoi të sigurt fitoren dhe u surprizua nga vendasit në fraksionin e dytë të takimit. Kazakistani përmbysi gjithçka falë golave të shënuar brenda 16 minutave.
Bakhtiyor Zaynutdinov, Askhat Tagybergen (eurogol) dhe Abat Aymbetov i dhuruan një fitore të madhe Kazakistanit, që arriti triumfin e parë në histori ndaj Danimarkës.
Lexo edhe:
- EURO 2024/ Poloni-Shqipëri në shifra, ja cila skuadër rezulton favorite
- VIDEO/ Rashica “fal” Izraelin, Kosova merr një pikë në Tel Aviv
- VIDEO/ Gjunjëzon amerikanin në vetëm 3 raunde, Prenga ngre lart dy tituj kampion bote
- Momente paniku në Spanjë, futbollisti humb ndjenjat në fushë (VIDEO)
Pjesë e grupit H janë edhe Finlanda, Sllovenia, Irlanda e Veriut dhe San Marino.
