Granit Xhaka ka fituar zemrat e tifozëve të Arsenal, pasi grumbulloi shokët e skuadrës pas golit të Thomas Partey në derbin e Londrës veriore këtë të shtunë.
Mesfushori u tregua i shpejtë për të thirrur lojtarët e tjerë të “The Gunners” në një shfaqje lidershipi që ka bërë që shumë tifozë të Arsenal të thonë se ai është lideri i vërtetë në dhomën e zhveshjes së Arsenalit.
Para pak kohësh Xhaka pati tension me mbështetësit e Arsenal, pasi në një moment nervash iu kthye keq tifozëve dhe hodhi fanellën e tij në tokë, por performancat e përmirësuara këtë sezon kanë filluar të ndryshojnë gjërat dhe si rrjedhojë edhe marrëdhënien mes palëve në fjalë.