Connect with us

Hi, what are you looking for?

La Liga

VIDEO/ Sousa humb rast me portë bosh, Mallorca merr fitoren e dytë sezonale

Mallorca mori të dytën fitore sezonale, duke mundur në shtëpi Almerian me rezultatin minimal. Skuadra e Vedat Muriqit u mjaftua nga një gol i Pablo Maffeos në pjesën e parë për të marrë pikët e plota, në një ndeshje ku përballeshin dy skuadra me të njëjtin objektiv.

Fillimi i lojës ishte i vakët, me të dyja ekipet që u treguan të kujdesshme. E para goditje drejt kuadratit solli dhe golin e avantazhit për vendasit, teksa një top i harkuar nga Copete u devijua nga një prej mbrojtësve të skuadrës mike, duke u kthyer në një asist për Maffeon, i cili i shpëtoi markimit dhe me shumë qetësi goditi saktë me kokë nga fare pranë portës.

1-0 për Mallorca që më pas e pati më të lehtë vijimin e lojës. Muriqi tentoi disa herë që të rrezikonte, por pa vënë në vështirësi serioze portierin Martinez. Në pjesën e dytë Almeria ishte më kërkuese dhe tentoi më shumë në portën e Rajkoviç, por nuk pati rezultat.

Në shtesë, sulmuesi portugez i Almerias, Sousa shpërdoroi një rast të artë, me portën e boshatisur, duke lënë në fuqi rezultatin minimal 1-0 për Mallorcën.

Pas kësaj ndeshje Mallorca shkon në kuotën e 8 pikëve, ndërsa Almeria mbetet me vetëm 4 pikë në gjysmën e poshtme të tabelës. Muriqi luajti për 83 minuta në këtë sfidë, duke u zëvendësuar pas një ndeshje pozitive, por që nuk arriti dot që të gjente rrugën e rrjetës. Këtë edicion Muriqi ka arritur që të shënojë tre gola në këto 6 javë, duke ndëshkuar në javën e pestë dhe Real Madridin në “Bernabeu”.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...