Manchester United fitoi 2-4 përballë Leeds United, duke forcuar pozitat në vendin e katërt në Premier League. Suksesi i dytë radhazi për “Djajtë e Kuq” në një përballje që dhuroi gola të bukur dhe 9 kartonë të verdhë, e rrallë në ishull.
Ekipi i Ralf Rangnick mbylli pjesën e parë në avantazh të dyfishtë falë golave me kokë të Harry Maguire dhe Bruno Fernandes, por vendasit e nisën mirë fraksionin e dytë të takimit.
A 6️⃣ goal thriller at a rain soaked Elland Road ends with @ManUtd taking all three points 🔥#LEEMUN pic.twitter.com/80JGoVF4b5
— Premier League (@premierleague) February 20, 2022
Rodrigo rihapi takimin me një eurogol në minutën e 53-të, ndërsa një minutë më vonë braziliani Raphinha riktheu baraspeshën. Gjithsesi, United gjeti forca dhe realizoi dy gola të tjerë.
Fred kaloi në avantazh ekipin e tij me një finalizim fantastik, ndërsa dy minuta përpara fundit 19-vjeçari Anthony Elanga vulosi suksesin me poker të United, pasi një asisti të Bruno Fernandes, i cili kreu dy super driblime.
Kjo fitore e ka ngjitur United në kuotën e 46 pikëve, katër më shumë se West Ham dhe Arsenal, me këta të fundit që kanë luajtur tre ndeshje më pak. Humbja e dytë radhazi për Leeds United, që ndodhet 5 pikë mbi zonën e ftohtë.
[quiz-cat id=”288388″]
