Ajax e mbylli në avantazh 3-1 pjesën e parë ndaj Groningen, sfida e javës së dytë në Eredivisie që po zhvillohet në “Johan Cruijff Arena”.
Kampionët në fuqi të Holandës kaluan shpejt në avantazh falë golit të Steven Bergwijn (4’), por miqtë barazuan shpejt me anë të Cyril Ngonge (10’).
Ajax shtoi ritmin dhe sulmet në portën kundërshtare. Antony ishte një rrezik konstant në krahun e djathtë dhe ia doli të shënojë golin e avantazhit në minutën e 28’.
Në minutën e fundit të pjesës së parë erdhi edhe goli i dytë i Bergwijn, i cili dërgoi topin në rrjetë pas një asisit të marrë nga Antony.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?