Interi nuk shkoi dot përtej barazimit 2-2 në transfertën ndaj Monzës, ndonëse kaloi dy herë në avantazh, te,sa përveç arbitrit Sacchi, që u mohoi një gol zikaltërve, nën akuzë përfundoi edhe Romelu Lukaku.
Sulmuesi belg u aktivizua në minutën e 55-të në vendin e Edin Dzekos dhe për më tepër se 40 minuta në fushë, jo vetëm që nuk bëri asgjë për të ndihmuar skuadrën, por edhe e penalizoi jo pak me topat e humbur.
Një nga ata ishte padyshim në minutat shtesë, kur u spostua në krah për të fituar rivënie apo këndore, në mënyrë që të vonojë lojën, por dështoi në mënyrë qesharake të ndalë topin dhe pa t’i ikte përtej vijës.
Natyrisht kjo skenë habiti jo pak ata që po ndiqnin ndeshjen, teksa sulmuesi boshnjak, Edin Dzeko nuk po e mbante të qeshurën në pankinë, kur shihte kolegun e tij të repartit të spostonte topin në nivelet e amatorizmit.
