Kombëtarja e 17-vjeçarëve të Shqipërisë barazoi 1-1 në ndeshjen e dytë të Elite Round ndaj Zvicrës, duke marrë pikën e parë në grup. Një rezultat që komplikon llogaritë e kualifikimit. Skuadra e Ervin Bulkut do luajë shanset e fundit ndaj Letonisë, kundër të cilëve që do të ndeshet në datën 28 mars.
Në sfidën e luajtur në “Air Albania”, kuqezinjtë e vegjël e gjetën golin e avantazhit në minutën e 14-të falë Flavio Sulejmanit. Presingu i sulmuesit bëri efekt. 17-vjeçari i Perugias, besoi te një top i ardhur nga mbrojtja dhe fitoi duelet me mbrojtësin dhe portierin kundërshtar. Parabola e Sulejmanit përfundoi në rrjetë, duke kaluar skuadrën në avantazh.
Pjesa e parë ishte e ekuilibruar, me zviceranët që tentuan të barazonin në disa momente. Por u ndalën nga forma e mirë e portierit 16-vjeçar Amarildo Dervishi.
Lexo edhe:
- U shkarkua nga Bayern, destinacioni i ardhshëm i Nagelsmann në Premier League
- Al Khelaifi: Duam t’i mbajmë Messin, Mbappen dhe Ramos, por kemi një sy te akademia
- Modric: E ardhmja? Dëshira ime dihet, pjesa tjetër janë thashetheme dhe supozime
- Mbappe fokusohet te Maignan: Ishte e rëndësishme të mos pësonte gola!
Në pjesën e dytë, pavarësisht se portieri i Skënderbeut e ndali goditjen e Ze, Romano (66′) me një goditje potente vendosi ekuilibrin. Skuadra e Bulkut provoi deri në fund të merrte maksimumin.
Në kohën shtesë iu ofrua një rast ideal, por nuk u shfrytëzua dhe ekipet ndanë pikët. Pas këtij barazimi, Zvicra shkon në vendin e dytë me 4 pikë, ndërsa Shqipëria pozicionohet e treta me vetëm një pikë.
