Ajax shkëlqeu në takimin e parë shtëpiak të sezonit të ri në Eredivisie, duke mposhtur 6-1 Groningen. Dueli i luajtur në “Johan Cruijff Arena” u shoqërua me gola të bukur dhe të shumtë.
Steven Bergwijn realizoi një tregolësh, teksa rrugën e rrjetës e gjetën edhe braziliani Antony (supergol), Kenneth Taylor dhe Steven Berghuis, të cilët kompletuan suksesin “tenistik” të kampionëve në fuqi të Holandës.
Miqtë gëzuan vetëm në minutën e dhjetë. Belgu Cyril Ngonge barazoi përkohësisht rezultatin, por vetëm kaq. Ajax është ngjitur në kuotën e 6 pikëve pas dy javëve të para në Eredivisie.
Objektivi i “Harkëtarëve” është fitimi i titullit kampion për herë të 37-të në histori, ndërkohë që ndeshja e radhës luhet në Roterdam përballë Spartës vendase.
Eredivisie, java e dytë
AJAX-GRONINGEN 6-1
(BERGWIJN 4’, 45’, 57’, ANTONY 28’, TAYLOR 66’, BERGHUIS 87’ (PEN) / NGONGE 10’)
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
