Connect with us

Hi, what are you looking for?

Angli

VIDEO/ Super debutimi i Ten Hag, United shkatërron me “poker” golash Liverpool-in

“I paarritshëm” mund të konsiderohet debutimi i Ten Hag në krye të Manchester United, ndërsa ka fituar bindshëm me rezultatin 4-0 ndaj Liverpool-it të Jurgen Klopp, në ndeshjen miqësore të zhvilluar në Bangkok.

Një pjesë e parë e dominuar e gjitha nga “Djajtë e Kuq”, të cilët jo vetëm morën avantazhin, por edhe vendosën një rezultat të thellë në këtë fraksion.

Ishte Jadon Sancho ai që gjeti rrugën drejt rrjetës i pari, duke shënuar në minutën e 12’ dhe duke i dhënë avantazhin ekipit të tij.

Më pas në minutën e 30’ Fred dyfishoi rezultatin për ekipin e Ten Hag dhe u dhuroi më shumë siguri “Djajve të Kuq”.

Teksa në minutën e 33’ ishte Anthony Martial ai që do të shënonte në portën e “The Reds”, duke e mbyllur këtë 45-minutësh me rezultatin 3-0.

Pjesa e dytë e miqësores do të ishte më e qetë dhe do të duhej minuta e 76’, kur gjatë një kundërsulmi, Facundo Pellistri gjeti rrugën drejt rrjetës dhe shënoi për Manchester United, duke realizuar “poker” golash dhe duke vulosur rezultatin 4-0.

Ndërkohë, vlen të theksohet se Cristiano Ronaldo nuk ka qenë prezent në këtë përballje, duke i shtuar akoma më shumë zërat e largimit të portugezit nga “Djajtë e Kuq”.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...