Rasti i parë dhe goli i parë në Arsenal-Manchester United, sfidë që po transmetohet në SuperSport 2. Dueli i rëndësishëm për fitimin e Premier League, nisi me një ritëm të lartë.
Minuta e 17’ solli edhe golin e parë. Marcus Rashford dribloi bukur Thomas Partey dhe befasoi portierin Aaron Ramsdale me një goditje me të djathtën.
Sulmuesi i kombëtares angleze gjeti golin e nëntë dytë sezonal në kampionat, ndërkohë që festa e “Djajve të Kuq” zgjati vetëm shtatë minuta, pasi Eddie Nketiah realizoi me kokë pas një krosimi të bukur të Granit Xhakës, duke ndezur festën e tifozëve në “Emirates”.
FORMACIONET ZYRTARE
Arsenal-Manchester United mbetet një duel historik dhe i zjarrtë në Premier League, por sfida e sotme është tepër e rëndësishme në lidhje me titullin kampion.
Skuadra e Mikel Artetës po dominon kampionatin anglez dhe kërkon pikët maksimale. Të njëjtin objektiv kanë edhe djemtë e Erik ten Hag, të cilët fitorja i fut në garë për kreun e renditjes.
Dy trajnerët kanë përzgjedhur titullarët e klasikes që do transmetohet në SuperSport 2 duke nisur prej orës 17:30.